FEIF skipar fyri Youth Cup annaðhvørt ár, sum er tiltak fyri ung í aldursbólkinum 14-17 ár.
Føroyskt Íslandsrossafelag hevur luttikið í hesum tiltøkum síðani 2010 við trimum unglingum, sum er fulla kvotan.
Í ár er tað Danmark, ið verður vertur fyri Youth Cup í døgunum 18-26 juli 2020 og hevur Føroyskt Íslandsrossafelag møguleika, at senda trý umboð úr Føroyum.
Endamálð við Youth Cup er, at læra hesu ungu um samstarv, ítróttaranda, at betra reiðførleikar teirra og skapa tvør - mentanarlig vinarbond.
Youth Cup fevnir um eina viku, við intensivari venjing og frálæru frá ríðilærara á altjóða støði. Vikan endar við einari kapping, har ymiskar kappingargreinar eru at velja ímillum. Tí er neyðugt, at luttakarar hava royndir í at kappast.
Fyri at kunna søkja, skalt tú:
- Vera limur í FÍR
- Vera í aldrinum 14-17 ár (í 2020)
- Duga at ríða, handfara ross og hava kappingarroyndir.
- Hava góðar førleikar í enskum.
- Verða við til, at savna pening inn til ferðina
- Kunna gjalda eitt depositum á 5000,- kr innan 10 februar 2020
- Hava skrivligt loyvi frá foreldrum/verja.
Er hetta nakað fyri teg, kanst tú senda eina umsókn til:
mail [email protected]
Hevur tú spurningar, kanst tú venda tær til Jónu Ólavsdóttir á tlf 263582
Umsóknin má verða okkum í hendi innan 26 januar 2020
Vinaliga
Ítróttanevndin.
RSS Feed